हृदय अर्पण करतात
ती माणसं निराळीच असतात
पूर असतो त्यांच्या स्वभावात
किनारा सोडतात तेंव्हा नदीहून बेफाम होतात
कोसळतात खोल तेव्हा किती उंच जातात!
जशी हसतात फुलं, पूर्ण उमलतात,
उधळतात गन्ध्, गळून पडतात
नियतीचा सहज स्विकार हृदय देणारेच करतात
अश्रुंच्या प्रत्येक थेंबातून त्यांची गाणी फुलतात
प्रीतीचे दिव्य किरण त्यांच्यातून नित्य पाझरतात
ज्यांची दारे बंद होतात त्यांनाही आपले हृदय देतात
हृदय अर्पण करतात ती माणसं निराळीच असतात
- शिरीष पै
1 comment:
Khoop wegaLee aaNi kharee kavita aahe hee.. ! Mazee laDkee ! Anek diwasanni tuzyamuLe ya kavitechee bheT zalee..! Thanks.. And thanks for the appreciation on my blog..
Post a Comment